Contact Us About Us
  • முதலமைச்சர் முன்னிலையில் ரூ.7,175 கோடி மதிப்பீட்டில் 15 ஒப்பந்தங்கள்
  • இந்தோனேசியாவில் அடுத்தடுத்து நிலநடுக்கம்
  • அர்மீனிய பிரதமர் நிகோல் பாஷின்யனை இந்திய பிரதமர் மோடி சந்திப்பு
  • தனது சம்பளம் விவரங்களைப் பகிர்ந்து கொண்ட பாகிஸ்தான் பயிற்சியாளர் மிஸ்பா
  • தேசிய மக்கள் தொகை கணக்கெடுப்பு - பான்; ஆதார் எண்: சேர்ப்பு
  • அயோத்தி வழக்கு வாதங்களை அக்டோபர் 18-க்கு பிறகு ஒருநாள் கூட நீட்டிக்கப்பட மாட்டாது - சுப்ரீம் கோர்ட்டு
  • தமிழகத்தில் நவம்பரில் உள்ளாட்சி தேர்தல் நடத்தப்படும் - மாநில தேர்தல் ஆணையம் தகவல்
  • பாகிஸ்தானுடன் பேசுவதில் எந்த பிரச்சினையும் இல்லை-இந்திய வெளியுறவுத்துறை மந்திரி ஜெய்சங்கர்
  • சர்தார் வல்லபாய் படேல் தேசிய ஒற்றுமை விருது -மத்திய அரசு அறிமுகம்
  • காஷ்மீர் விவகாரத்தில் பாக்., பிரதமர் இம்ரான் கான், மீண்டும் இந்திய அரசு மீது குற்றம்
Flash News

பஹ்ரெயின் கிராண்ட் பிரிக்ஸ்: ஹமில்டன் முதலிடம்

பர்முயுலா-1 கார்பந்தயத்தின் இரண்டாவது சுற்றான பஹ்ரெயின் கிராண்ட் பிரிக்ஸ் சுற்றில், மெர்சிடஸ் பென்ஸ் அணியின் வீரரும், நடப்பு சம்பியனுமாகிய லீவிஸ் ஹெமில்டன் முதலிடம் பெற்றார்.

ஒவ்வொரு ஆண்டும் ‘பார்முலா 1’ கார் பந்தயம், 21 சுற்றுகளாக நடைபெறும். ஒவ்வொரு சுற்றும் ஒவ்வொரு நாடுகளில் நடைபெறும்.

இதன்படி, நடப்பு ஆண்டின் இரண்டாவது சுற்றான பஹ்ரெயின் கிராண்ட் பிரிக்ஸ், நேற்று பஹ்ரெயின் சர்வதேச ஓடுதளத்தில் நடைபெற்றது.

இதில் 308.405 கிலோ மீட்டர் பந்தய தூரத்தை நோக்கி, 10 அணிகளை சேர்ந்த 20 வீரர்கள் காரில் சீறிப்பாய்ந்தனர்.

இதில் மெர்சிடஸ் பென்ஸ் அணியின் வீரரான லீவிஸ் ஹெமில்டன், பந்தய தூரத்தை 1 மணித்தியாலம் 34 நிமிடங்கள் 21.295 வினாடிகளில் இலக்கை கடந்து முதலிடத்தை பிடித்தார். அத்தோடு, அவருக்கு வழங்கப்படும் முதலிடத்திற்கான 25 புள்ளிகளும் வழங்கப்பட்டன.

அவரை விட 2.980 வினாடிகள் பின்தங்கிய நிலையில், பந்தய தூரத்தை கடந்த, மற்றொரு மெர்சிடஸ் பென்ஸ் அணியின் வீரரான வால்டெரி போட்டாஸ், இரண்டாவது இடத்தை பெற்றார். அத்தோடு அவர், இரண்டாம் இடத்திற்கான 18 புள்ளிகளையும் பெற்றுக் கொண்டார்.

6.131 வினாடிகள் பின்தங்கிய நிலையில், பந்தய தூரத்தை கடந்த பெர்ராரி அணியின் வீரரான சார்லஸ் லெக்லர்க், மூன்றாவது இடத்தை பிடித்தார். அதற்கு அவருக்கு 15 புள்ளிகள் வழங்கப்பட்டன.

இதுவரை நடைபெற்று முடிந்துள்ள இரண்டு சுற்றிகளின் அடிப்படையில், வால்டெரி போட்டாஸ் 44 புள்ளிகளுடன் முதலிடத்திலும், லீவிஸ் ஹெமில்டன் 43 புள்ளிகளுடன் இரண்டாவது இடத்திலும், ரெட்புல் அணியின் வீரரான மேக்ஸ் வெர்ஸ்டபேன் , 27 புள்ளிகளுடன் மூன்றாவது இடத்திலும் உள்ளனர்.

இத்தொடரின் மூன்றாவது சுற்றான சீனா கிராண்ட் பிரிக்ஸ், எதிர்வரும் 14ஆம் திகதி, சன்காய்  சர்வதேச ஓடுதளத்தில் நடைபெறவுள்ளது.

LATEST VIDEO

மதுரை மீனாட்சி அம்மன் கோயில் சித்திரை திருவிழா

Social Share

Contact Details

India (chennai)
India ( Madurai )
Switzerland
Canada